Adele paralajmëron tërheqjen përfundimtare nga muzika

Gjatë një spektakli në Auckland në mars Adele i tha audiencës: “Turet nuk është se janë një gjë ku unë jam e mirë... duartrokitjet më bëjnë të prekem pak. Nuk e di nëse do bëj më ture. E vetmja arsye pse e kam bërë jeni ju”.

Pasi perfomroi një nga katër spektaklet e mëdha në stadiumin Wembley të Londrës më 28 qershor, një fans ka shpërndarë një letër të shkruar me dorë për ngjarjen në Instagram.

“Dua që spektakli im final të jetë në Londër, sepse nuk e di nëse do të bëjë më koncerte, prandaj dua që hera e fundit të jetë në shtëpi. Faleminderit që erdhët, për gjithë dashurinë dhe mirësinë tuaj. Do i kujtoj të gjitha këto për gjithë jetën. Ju dua. Natën e mirë”, shkruan Adele në këtë letër.